Izraeli ka intensifikuar sulmet ajrore në Siri, duke përfshirë edhe goditjen e ministrisë së mbrojtjes dhe një “objektiv ushtarak” në “zonën e pallatit presidencial në Damask.

Siç raporton BBC, transmeton Klankosova.tv, Izraeli thotë se forcat e tij po mbrojnë komunitetin pakicë Druze dhe synojnë të eliminojnë forcat pro-qeveritare të akuzuara për sulmin ndaj tyre në rajonin jugperëndimor Suweida të Sirisë.

Kjo vjen pas ditësh përleshjesh vdekjeprurëse midis grupeve të armatosura beduine dhe druze në Suweida.

I dërguari amerikan Tom Barrack u ka bërë thirrje të gjitha palëve të “tërhiqen” nga dhuna e cila është përshkallëzuar ditët e fundit.

Ndërkaq, tre persona janë vrarë në sulmet ajrore izraelite në Damask, njofton Ministria e Shëndetësisë siriane. 34 të tjerë janë plagosur, shton ministria në përditësimin e saj të fundit mbi ndikimin e sulmeve.